मित्रमंडळ एज्युकेशन सोसायटी या संस्थेमार्फत "इंद्रधनू बालवाडी”,“सरिता प्राथमिक शाळा” व “सुंदरदेवी राठी हायस्कूल” या मराठी माध्यमाच्या शाळा चालविल्या जातात. इंद्रधनू बालवाडी, सरिता प्राथमिक विद्यालय व सौ. सुंदरदेवी राठी हायस्कूल शाळांची सुरुवात झाली. ज्येष्ठ, श्रेष्ठ विभूतींचे पूजन करून व पूर्व प्राथमिक विभागातील विद्यार्थ्यांचे औक्षण करून स्वागत केले. शाळेत १ ली ते १० वी चे प्रत्येकी १ वर्ग असून पूर्व प्राथमिक – ५० , प्राथमिक -२४२ व माध्यमिक – १५३ असे एकूण ४४५ विद्यार्थी शिक्षण घेत आहेत. प्राथमिक व माध्यमिक विभाग पूर्ण अनुदानित आहेत.

शालेय अभ्यासक्रमाबरोबर राष्ट्रीय सण व सांस्कृतिक कार्यक्रम नियोजनपूर्वक पण नावीन्यपूर्ण साजरे केले जातात. ई-लर्निंग, संगणक व तज्ञ व्यक्तींचे मार्गदर्शनाद्वारे विद्यार्थ्यांच्या गुणवत्तावाढीसाठी प्रयत्न केले जातात.

संस्थेचे अध्यक्ष व सर्व पदाधिकारी यांचे मोलाचे मार्गदर्शन व सहकार्य शाळेला सतत मिळत असते. त्यामुळेच शाळांच्या प्रगतीचा आलेख उंचावत आहे. त्याबद्दल आम्ही त्यांच्या ऋणातच राहू इच्छितो. संस्थेस अर्थसहाय्य व वस्तुरूपाने देणगी देणाऱ्या दानशूर व्यक्तींबद्दल ऋणनिर्देश स्नेहसंमेलनादिनी आपल्या समोर येईलच. धन्यवाद !